«Туры элемтә»нең вакыты үзгәрә
Түбән Кама муниципаль районы башлыгы, шәһәр мэры Айдар Метшин белән ел йомгаклары буенча НТР24 телерадиокомпаниясе үткәрә торган «Туры элемтә» тапшыруының вакыты, нигезле сәбәпләр аркасында, 20 декабрьдән киләсе атнага күчерелә. Төгәл вакытын алдагы санда язарбыз. Шулай ук НТРның рәсми сайтындагы хәбәрләрне карап барыгыз.
«Туры эфир»ның телефоны 30-81-11 (бары программа вакытында гына шалтыратырга мөмкин). Ә сорауларны алдан биреп куярга теләүчеләр булса, моны түбәндәге ысуллар белән эшләргә мөмкин: 077, 40-07-70 телефоннары буенча шалтыратырга, WhatsApp аша 8-917-937-30-77 номеры белән хәбәр җибәрергә, vk.com/ntrtv яки ntr-24.ru сайтларына язарга. Алдан хәбәр ителгәнчә, ул сорауларның иң актуаль булганнары турыдан-туры эфир барышында район башлыгына бирелә.
Килеп ирешкән барлык сораулар да соңыннан администрациягә тапшырыла һәм һәр сорауга язма җаваплар биреләчәк. Аларны ntr-24.ru сайтында уку мөмкин булачак.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев