Тугыз түбәнкамалы кыска вакытлы ялдан соң МХО зонасына хезмәт итәргә китте

Алтынчы сентябрьдә Түбән Камада ялда булган хәрбиләрне махсус операция урынына озату тантанасы булды.

Ир-атларга үгет-нәсихәт сүзләрен Түбән Кама һәм район хәрби комиссары Газинур Ситдыйков, «Локаль сугышлар һәм хәрби конфликтлар ветераннарының Түбән Кама бүлекчәсе» вәкилләре, шулай ук туганнары да җиткерде.

«Бу егетләр бүген, Бөек Ватан сугышы вакытындагы бабаларыбыз кебек, безнең тарихны язалар. Барысы да аларның ныклыгына һәм рух көченә бәйле», — диде Газинур Ситдыйков.