Түбәнкамалыларга баланы мәктәпкә әзерләү 20 мең сумга төшәчәк

Быел баланы мәктәпкә әзерләү Түбән Кама халкына уртача 20 мең сумга төшәчәк.

Чыгымнарның иң зурысы — мәктәп формасы, спорт киеме һәм аяк киеме. Канцелярия һәм рюкзакка килгәндә, монда ата-аналарга 7 мең сумга якын акча кирәк булачак.

Бөтенроссия җәмәгатьчелек фикерен өйрәнү үзәге сораштыруы күрсәткәнчә, быел баланы мәктәпкә әзерләү чыгымнары 30 процентка арткан. Кирәкле чыгымнар исемлегенә мәктәп һәм спорт киемнәре, беренче һәм икенче аяк киеме, рюкзаклар, канцелярия кирәк-яраклары, дәреслекләр, шулай ук чәчәкләргә һәм укытучыларга бүләк, шулай ук мәктәп ихтыяҗларына взнослар кертелгән.