Түбән Каманың 51нче микрорайонында торак квартал төзү планлаштырыла

Түбән Каманың 51нче микрорайонында «Аллеево» исемле торак комплекс төзү планлаштырыла. Бу хакта Чаллы төзүчесенең «Домкор» корпоратив газетасында хәбәр ителә.

Торак комплексы шәһәрнең көнбатыш өлешендә Тынычлык проспекты һәм Корабельная урамы киселешендә урнашачак, диелә басмада.

Комплексның төп үзенчәлеге: балалар бакчасы, мәктәп һәм поликлиника өчен бүлеп бирелгән урыннары булган, «машинасыз ишегаллары» булган йортлардан торган кварталлары. Квартал эчендә үзәк мәйдан, скверлар һәм башка күп кенә иҗтимагый киңлекләр булачак. Шулай ук проектта торак комплексы эчендә сәүдә объектларын урнаштыру мөмкинлеге каралган.

Төзүче яңа торак комплексны «шәһәр эчендәге шәһәр» дип атый.