Тиздән — Кар шәһәрчегенә

Түбән Камада кардан һәм боздан 7 чыршы шәһәрчеге төзелеп, алар 28-30 декабрьдә тантаналы төстә ачылачак.

Чыршы шәһәрчеген, иң беренче булып, 28 декабрьдә кичке сәгать 6да «ТАНЕКО» үзенең Мурадьян урамындагы ял мәйданчыгында ача. 29 декабрьдә (кичке 6да) «Шинник» спорт комплексы, Химиклар урамындагы 16 йорт яны, «Җәлил» кинотеатры янәшәсендәге мәйданчык, Сөембикә урамындагы 72нче йорт тирәсе дә халыкны Чыршы шәһәрчеген ачу бәйрәменә җыячак. Шул кичне (кичке 5тә) Төзүчеләр поселогында яшәүчеләр өчен дә шундый ук бәйрәм оештырыла. 30 декабрьдә - кичке 5тә Яшьлек урамындагы аттракционнар паркында, ә кичке 6да «Вахитов урамы» трамвай тукталышы янындагы мәйданда Чыршы шәһәрчекләрен ачу тантанасы уздырыла.