Туган як

Ә син хезмәт отрядына язылдыңмы?

ТР студентлар отрядлары арасындагы җәйге Спартакиада үткән атнада гына тәмамланган. Анда Түбән Кама студентлар хезмәт отрядлары үзәгендә шөгыльләнүче егетләр һәм кызлар җиңү яулаганнар. Үзәк директоры Андрей Кубышкин әйтүенчә, командада булган биш егет һәм өч кыз - җирле хезмәт отрядларының озатучылары, төзү эшләрендә катнашучылар, вожатыйлар. Алар моңа кадәр узган бәйгеләрдә төрле...

ТР студентлар отрядлары арасындагы җәйге Спартакиада үткән атнада гына тәмамланган. Анда Түбән Кама студентлар хезмәт отрядлары үзәгендә шөгыльләнүче егетләр һәм кызлар җиңү яулаганнар.
Үзәк директоры Андрей Кубышкин әйтүенчә, командада булган биш егет һәм өч кыз - җирле хезмәт отрядларының озатучылары, төзү эшләрендә катнашучылар, вожатыйлар. Алар моңа кадәр узган бәйгеләрдә төрле номинацияләрдә җиңү яулаган, икенче урынны алган. Бу юлы «алтын»га ия булган. Икенче урында - Әлмәт дәүләт нефть институтының «Нефтеград» студентлар штабы, өченчедә - Казан дәүләт энергетика университетының «Дельта» студентлар отряды.
Бәйгедә катнашучылар ГТО нормаларын тапшырган, шулай ук аркан тартышуда, стритболда, мини-футболда, йөгерүдә, өстәл теннисында, шахматта һ.б.да көч сынашкан.
Бер айдан Түбән Камада студентлар хезмәт отряды мәктәбендәге яшьләр өчен укулар узачак. Курсларга https://vk.com/ncsto сайты аша язылырга мөмкин.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: