Садыйков кабул итә

Түбән Кама эчке эшләр идарәсе начальнигы, полиция полковнигы Айрат Садыйков 16 декабрьдә халыкны шәхси мәсьәләләре буенча кабул итәчәк.

Сорауларыгыз булса, сез аның янына күрсәтелгән көнне иртәнге сәгать 9дан көндезге 12гә кадәр Түбән Кама эчке эшләр идарәсенең (Яшлек урамы, 27нче йорт) 308нче бүлмәсенә бара аласыз. Үзегез белән паспортыгызны алып килү мәҗбүри. Шул ук вакытта, эчке эшләр идарәсенең 201нче бүлмәсендә полиция подполковнигы Владимир Ветлугин да гражданнарны кабул итәчәк. Белешү өчен телефоннар: 49-25-24, 49-26-58, 49-26-59.

Сорарга теләсәгез...

Балалар бакчалары өчен түләү арттырылуга бәйле рәвештә, сораулары булган ата-аналар "кайнар телефон"га шалтырата ала. Эш көннәрендә (иртәнге 8дән 17 сәгатькә кадәр 43-22-99 номерын җыйсагыз, сорауларыгызга муниципаль район башкарма комитетының мәктәпкәчә мәгариф идарәсе белгечләре җавап бирер. Көндезге 12дән 13 сәгатькә кадәр - төшке ял вакытлары. "Кайнар телефон" шушы ел ахырына кадәр эшләячәк.