Миллионынчы тонна!

«Нефтехим» акционерлык җәмгыятенең полиолефин заводында миллионынчы тонна полипропилен җитештерелгән.
«Нефтехим» акционерлык җәмгыятенең матбугат хезмәтендәгеләр шул хакта хәбәр итеп, 2006 елның 3 ноябрендә сафка баскан бу производствода 48 маркада полипропилен җитештерү үзләштерелгәнен, әлеге төр пластикның 100 маркадан артыграгын эшләп чыгаруга лицензияләре барлыгын җиткерделәр. Билгеле булганча, полипропилен көнкүреш техникасы һәм автомобильләр өчен детальләр, шулай ук, йомшак тукымалы пленкалар, бер мәртәбә кулланыла торган савыт-саба һ.б. җитештерү өчен файдаланыла.