Өлкәннәрне — укырга

«Россия пенсионерлары берлеге»нең җирле бүлеге өлкән яшьтәгеләрне компьютерга өйрәнергә, икътисад һәм хокук өлкәсендә белемнәрен арттырырга чакыра. Әгәр дә сез 60 яшьтән узган ир-ат яки 55 яшь чиген үткән хатын-кыз булып, бер кайда да эшләмисез икән, бу курсларга бушлай йөри аласыз. Кабул итү комиссиясе 27-29 декабрьдә көндезге сәгать 1дән кичке 5кә кадәр эшли. Паспорт яки пенсия таныклыгын, белем турындагы документ күчермәсен алып, шул күрсәтелгән көннәрдә Тынычлык урамындагы 60нчы йортның (Пенсия фонды) 1нче катына килүегезне көтәбез дип хәбәр итә пенсионерлар берлегенең җирле бүлек җитәкчесе Тәгъзимә Садыйкова (тел.: 45-48-91, 45-33-11).