Әле дә алданалар

Бу алдау ысулы турында мәкаләләр газета битләрендә еш чыкса да, кармакка эләгүчеләр саны кимеми. Зыян күрүчеләргә шалтыратып, үзләрен банк хезмәткәре, яисә банкның куркынычсызлык хезмәте, дип таныштырып: «Акчагызны урлыйлар», – дигән куркыту астында, SMS-хәбәрдә киләчәк кодны әйтүләрен сораганнар. Ә шикләнсәләр, «ышанмасагыз, «кайнар линия»гә шалтыратып сорагыз», дигәннәр. Шалтыратучылар булган. Тик «операция» тәмамлангач кына шалтыратканнар шул. Алдаучыларга барлыгы 100 мең сум акча күчерелгән.
Шуны исегезгә төшерәбез: банк хезмәткәрләре телефон аша бернинди код сорамый; шикләнгән очракта телефонны сүндереп, картаның икенче ягында күрсәтелгән номерга шалтыратыгыз.
Түбән Кама эчке эшләр идарәсенең матбугат хезмәте.