Компьютерга өйрәнәләр

6 февральдән Түбән Кама пенсионерлары компьютерда һәм Интернетта эшләргә өйрәнә башлаячаклар.

72 сәгатькә исәпләнгән бу курска язылган 400дән артык пенсионерның шәһәрдәге мәктәпләрнең ( шулай ук, алты вузның) үз йортына якын булганына йөриячәге хакында әйтте «Пенсионеры России» берлегенең җирле бүлек җитәкчесе Тәгъзимә Садыйкова. Әлеге проектның төп максаты - дәүләт сайтларына кереп мөстәкыйль рәвештә эшләргә өйрәтү. Районыбыз авыллары пенсионерлары да компьютерны үзләштерә алачаклар. Кама Аланы өлкәннәре инде исемлеккә языла башлаган. Белешү өчен телефон: 45-48-91, 45-33-11. Бу проектны тормышка ашыру өчен, республика бюджетыннан 10 миллион сум акча бирелгән.