Туган як

Комачаулык тудырмыйк

Түбән Камада карны җыярга комачаулаган 25 автомобиль хуҗасына штраф салынган.

Подъезд ишекләрендә карны җыю турында игълан булуына карамастан, машиналарны башка урынга күчерүне кирәк дип санамыйлар. Җитмәсә, юл кырыйларында машиналарын калдырып китүчеләр дә күп. Нәтиҗәдә, кар җыючы техникага комачау итәләр. Ә шәһәрдәшләр кар җыелмый дип зарлана. Хәзер андый ваемсыз машина хуҗаларына карата чаралар күрелә башлады. Аларга 2000 сумнан алып 3500 сумга кадәр штраф салына. Рейдлар даими узачак. 
– Ишегаллары юлларын кардан арындырырга комачауламасын өчен, автомобиль хуҗаларыннан транспортны башка урынга күчереп куюларын үтенәбез. Шәһәрдәшләр аңлар дип ышанабыз, – ди Түбән Кама муниципаль районының административ-техник инспекциясе бүлеге начальнигы Айрат Наскаев.  
Кар җыю техникасы 21 декабрьдә 7.00-16.00 сәгатьтә – «АкБарс» банкы (Б.Урманче, 18) – Шатлык сәүдә үзәге; Мәктәп бульвары, 3 – Студентлар урамы; Химиклар ур., 53 – «Надежда» мәктәп-интернаты; 25 декабрьдә  7.00-16.00 сәгатьтә – Яшьлек ур. – Тукай ур.; Химиклар ур., 2 – Корабельная ур.; «Якорь» сәүдә үзәге – Гайнуллин ур.; 28 декабрьдә 7.00-16.00 сәгатьтә – «Лагуна» күңел ачу үзәге – «Ярыш» спорт комплексы; Тынычлык ур. (Төзүчеләр ур. – Тынычлык ур.,95); Төзүчеләр ур., 4,6,8 нче йортлар тирәсе территориясендә эшләячәк. 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: