Туган як

ХӘБӘРЛӘР

Кыскача яңалыклар

Сорауларыгыз булса

17 октябрьдә Татарстан баш федераль инспекторының Түбән Камадагы җәмәгатьчелекне кабул итү бүлмәсендә халыкны җитәкчеләр кабул итә:
15.00 сәгатьтә халык сорауларына Эчке эшләр идарәсенең миграция мәсьәләләре буенча бүлек начальнигы Галина Баһаветдинова җавап бирә. 36-05-62 номеры белән телефоннан шалтыратып язылырга.

Белемнәрне тикшерик

19 октябрьдә 13.00 сәгатьтә Халыклар дуслыгы йортында «Татарча диктант» акциясе уза.
1 ноябрьдә исә 10.00 сәгатьтә, Халыклар бердәмлеге көне уңаеннан, «Зур этнографик диктант» та катнашу мөмкинлеге бар. Нәтиҗәләр РФ Конституциясе көнендә 12 декабрьдә билгеле булачак. Сорауларыгыз булса, 42-05-35 номеры буенча шалтыратырга мөмкин.

Санлыга күчтек

Россия санлы телевидениегә күчте. Түбән Камада гади антенналар белән федераль каналларны карап булмаячак. Моның өчен яисә яңа антенна, я приставка сатып алырга кирәк иде. Аерым категория кешеләре өчен приставкаларны сатып алуда субсидия каралаган. Бүгенге көнгә 135 гаилә гариза язган. Санлы телевидениегә күчәргә ярдәм итүче үзәккә 40-07-20 номеры буенча шалтыратырга мөмкин.

Яңа резидент

«Түбән Кама» ТОСЭРында 10 нчы резидент теркәлгән. Предприятие сәнәгать паркында урнашачак. «Симпл» компаниясе полимер торбалар, стретч-пленка, фитинглар җитештерә. Чимал белән «Сибур» һәм «Түбән Кама Нефтехим» тәэмин итә. Кертелгән акча күләме 23 миллион сум тәшкил итәчәк, 21 эш урыны булдырачак.

Нравится
Поделиться:
Реклама
Комментарии (0)
Осталось символов: