Туган як

Каршылыклар аша йөгерү

Түбән Кама муниципаль районы эчке эшләр идарәсе «Яхшыларның да яхшысы» дигән гадәти булмаган йөгерү ярышы оештырды.

Анда барлыгы 16 команда катнашты. Болар – Түбән Кама эчке эшләр идарәсе, шәһәр прокуратурасы һәм гадәттән тыш хәлләр бүлеге вәкилләреннән 6 шар кешелек командалар. 
Ярышта катнашучылар 5 километр араны йөгереп узарга тиеш иде. Дистанциядә 10 төрле каршылык үтәсе: авыр покрышкалар тәгәрәтү, койманы сикереп чыгу, сулы чокыр аша үтү, тауга каршы йөк тарту, тауга күтәрелү һ.б. Әгәр берәрсе дистанциядән чыкса, ул команда ярыштан читләштерелде.
Йөгереш нәтиҗәләре буенча Түбән Кама эчке эшләр идарәсе командасы беренче урынны яулады. Икенче урында – идарә җитәкчелеге командасы. Ә гадәттән тыш хәлләр бүлеге командасы – өченче урында.
Бәйрәм ахырында ярышта катнашучылар һәм җанатарлар бергәләп пылау һәм шашлык белән сыйландылар.
 

Нравится
Поделиться:
Реклама
Комментарии (0)
Осталось символов: