Җир алырга теләсәгез...

Өч һәм аннан күбрәк балалары булган гаиләләрнең җир участогы алу мөмкинлеге бар, дип хәбәр итә Түбән Кама муниципаль районы җитәкчелегенең матбугат хезмәте.

Моның өчен Актүбә урамындагы 6нчы йортның 414нче бүлмәсенә барып, гариза бирергә кирәк. Гаризалар һәр атнаның дүшәмбе, сишәмбе, чәршәмбе һәм пәнҗешәмбе көннәрендә иртәнге 8дән 15 сәгатькә кадәр кабул ителә (төшке ял - 12дән 13 сәгатькә кадәр). Алдан телефоннан шалтыратып (47-32-40, 42-68-82) белешә һәм язылып куя аласыз. Язылган тәртиптә, сезне 15тән 16 сәгатькә кадәр кабул итәрләр.