Идея авторы – Айдар Метшин

Иртәгә, 28 гыйнварда, Мәскәүдәге Кино йортында «Time Machine. Рождение эпохи» дигән фильм премьерасы була. Аны төшерү идеясенең авторы - Түбән Кама муниципаль районы башлыгы, шәһәр мэры Айдар Метшин.

Ике сәгатьлек бу фильм, легендар «Машина времени» мисалында, СССРда рок-музыканың барлыкка килүе, яшь музыкантларның иҗат юлы башында нинди кыенлыклар белән очрашуы турында сөйли. Картинада кызыклы кино- һәм фотодокументлар файдаланылган, «Машина времени» төркеме музыкантлары белән интервьюлар кергән. Сүз уңаеннан, Андрей Макаревич җитәкчелегендәге бу иҗат коллективының Түбән Камада да чыгыш ясаганы бар.