Хурлык тактасына

Түбән Кама халкының торак-коммуналь хезмәтләр өчен бурычы 180 миллион сумнан арткан.
Бурычлыларның күпчелеге - эшли торган, түләү мөмкинлеге булган кешеләр (хәер, эшсез яту да аклану өчен сәбәп түгел, чөнки ялкау булмаганнарга шәһәрдә эш җитәрлек). Инде менә андыйларга каршы көрәшүнең яңа ысулын уйлап тапканнар. Шәһәрдәге үзәк урамнарның берсендә «Хурлык аллеясе» булдыру, анда бурычлыларның фотолары һәм түләнмәгән акчалары күрсәтелгән баннерлар урнаштыру күздә тотыла. Бу хакта муниципаль район җитәкчелегенең матбугат хезмәте хәбәр итте.