Бер атна эчендә Түбән Камада 40 бала дөньяга килгән

Узган атнада Түбән Камада 40 бала туган, шуларның 7се башка шәһәрнекеләр. Бу хакта перинаталь үзәкле республика балалар хастаханәсенең матбугат хезмәте хәбәр итә.

Шәһәр балалар хастаханәсенең кабул итү бүлмәсендә 376 мөрәҗәгать теркәлгән, перинаталь үзәкнең кабул итү бүлмәсендә — 66.

453 бала ОРВИ диагнозы белән хастаханәгә килгән, 383 кечкенә пациент травмпункт табибларына ярдәм сорап мөрәҗәгать иткән.

Хатын-кызлар консультациясендә 1 133 йөкле хатын-кыз исәптә тора. Стационар дәвалануда 266 пациент бар. Яңа туган һәм вакытыннан алда туган балалар патологиясе бүлегендә 21 бала һәм 17 әни дәвалана.