Балага планшет сатканнар

Сорауны Түбән Кама территориаль органының эчке базар үсеше һәм координациясе бүлеге начальнигы Евгения ЧЕРНОВАга юлладык:
– Әлбәттә, бу планшетны өлкән кеше сатып алса, аны сатучы кире алмаска мөмкин, чөнки товар, чыннан да, техник яктан катлаулы дип санала. Төзек булса, ул кайтарылмый да, алыштырылмый да. Әмма сезнең очрак балигъ булмаганнарга сату белән бәйле.
РФ Гражданлык Кодексы 28 нче маддәсенең 2 нче пункты буенча, 6-14 яшьлек балалар вак көнкүреш әйберләре сатып алырга(ипи, сөт, дәфтәр һ.б.), бүләк кабул итәргә, әти-әнисе яки башка кеше бүләк иткән акчасын үзенчә файдаланырга хокуклы. Сатып алынган әйберләр бала яшенә туры килергә һәм кыйммәт булмаска тиеш. Акчасы җитәрлек булып та, планшет яки башка кыйммәтле әйбер сатып алырга теләсә дә, моны олылардан башка эшли алмый.
Сезгә югарыда әйтелгән маддәне күрсәтеп, сатып алу килешүен өзүне һәм акча кайтаруларын таләп итеп, ике экземплярда дәгъва язарга һәм кибеткә барып, аны сатучыга тапшырырга кирәк булачак. Таләпне үтәүдән баш тартсалар, судка мөрәҗәгать итәргә мөмкин.
Сорауларыгыз булса, Бызов урамындагы 20а йортында урнашкан Татарстан Дәүләт алкоголь инспекциясенең Түбән Кама территориаль органы белгечләренә мөрәҗәгать итеп була. Хезмәт бушлай күрсәтелә. Шулай ук, Түбән Кама территориаль органы «кайнар линия»сенә 8(8555) 36-63-76 номеры буенча д ү ш ә м б е - п ә н җ е ш ә м б е 8.00-17.00 сәгатьтә, җомга 8.00-16.45 сәгатьтә шалтырата аласыз.

Фото: pixabay.com сайтыннан алынды.