Туган як

40 ел буе сәхнәдә

Шәһәребездә «Ләззәт» эстрада ансамблен белмәүчеләр сирәктер. Ул республика күләмендә татарча җырларны заманча итеп эшкәртеп җырлаучы беренче төркем булгандыр, мөгаен.

Татар җырларын заман рухында башкарып, татарча бию кичәләре уздырып, концертларда чыгышлар ясап, коллектив ул чор яшьләрен милли мохиткә тартуда, җырларыбызның дәрәҗәсен арттыруда, шул ук вакытта халкыбыз иҗатын да онытмыйча, аны яшь буынга җиткерүдә дә зур роль уйнады. Быел «Ләззәт»кә 40 ел булды. Шул уңайдан шәһәрдәшләр өчен зур юбилей концерты үтте. Анда килгән кешеләр ансамбль белән бәйле истәлекләре белән уртаклашты, беренче елларда йөргән шәһәрдәшләр, ансамбльгә килеп, кавышкан парлар, яшь җырчылар катнашты.
«Ләззәт» ансамбле турындагы истәлекләрне уртаклашырга сезне дә чакырабыз. Коллектив тарихы җыр-моң белән генә түгел, ә шәһәребезнең тарихы белән дә тыгыз бәйләнгән бит. Ансамбльгә кагылышлы кызыклы фотоларыгыз булса, аларны да «Туган як»ка җибәрә аласыз.
Флюр ГАЙНЕМӨХӘММӘТОВ.

Нравится
Поделиться:
Реклама
Комментарии (0)
Осталось символов: