2022 елда Түбән Камада 148 эзләү чарасы оештырылган

2022 елда Түбән Кама һәм район буенча эзләү чаралары статистикасы басылды. Аның белән «След» ирекле эзләү-коткару отряды таныштырды.

Шулай, 2022 елда югалган кешеләрне эзләү буенча махсус операция 148 мәртәбә оештырылган. Алар арасында исән килеш 34 бала һә 99 өлкән кеше табылган. Бер өлкән кеше һәлак булган килеш табылган, ә дүртесе бүгенге көнгә кадәр югалган дип санала.

«Югалган кешеләрне эзләүдә катнашкан барлык кешеләргә — полиция, гадәттән тыш хәлләр министрлыгы, медицина учреждениеләренә, ММЧ хезмәткәрләренә рәхмәт белдерәсе килә. Ориентировкаларны таратырга булышкан һәркемгә рәхмәт — бу эзләүдә бик ярдәм итә!», — дип билгеләп үтте отрядның вәкиле.

Моңа кадәр без татарстанлыларны киләсе озын яллар февральдә көтә дип язган идек.