Туган як

Сугыш батырына һәйкәл куелды

Сугыш батырына һәйкәл куелды 9 декабрьдә, Ватан Геройлары көнендә, районыбызның Смыловка авылында Дан орденнарының тулы кавалеры Александр Заевка һәйкәл ачылды. Сугышка кадәр авылда бухгалтер булып эшләгән якташыбыз фронтта зур батырлыклар күрсәтә. 1944 елның 9 июнендә Карелия фронтында дошман оборонасын өзгәндә, беренче булып һөҗүмгә күтәрелгәне, немец пулеметын граната белән дөмектергәне, аннан...

Сугыш батырына һәйкәл куелды

9 декабрьдә, Ватан Геройлары көнендә, районыбызның Смыловка авылында Дан орденнарының тулы кавалеры Александр Заевка һәйкәл ачылды.

Сугышка кадәр авылда бухгалтер булып эшләгән якташыбыз фронтта зур батырлыклар күрсәтә. 1944 елның 9 июнендә Карелия фронтында дошман оборонасын өзгәндә, беренче булып һөҗүмгә күтәрелгәне, немец пулеметын граната белән дөмектергәне, аннан соң дошманның унике минасын зарарсызландырганы өчен, өлкән сержант Заевны өченче дәрәҗә Дан ордены белән бүләклиләр. Берничә атна узуга, ул чираттагы бәрелеш вакытында фашист пулеметчысын юк итеп, аның пулеметыннан немецларга ут ача, шуннан соң дошман уты астында, сугыш кырында яраланган җиде совет солдатын коткара. Моның өчен ул икенче дәрәҗә Дан орденына лаек була. Шул ук елның 21 октябрендә Финляндия җирендәге сугышлар вакытында, ул чагында инде старшина званиесендәге Заев тагын бер батырлык күрсәтә. Разведчиклар төркеме белән, ул немецларның пушкалар таккан ике автомобилен юкка чыгара, дошман һөҗүмен кире кайтарганда аларның тагын уннан артык сугышчан техникасын һәм ике пулемет ноктасын дөмектерә. Болары өчен ул беренче дәрәҗә Дан ордены белән бүләкләнә.

Дан орденнарының тулы кавалеры булган кешеләр СССР тарихында 3 мең дә юк, алар Советлар Союзы Геройларына тиңләштерелгән.

Батыр якташыбыз армиядән 1947 елда демобилизацияләнеп кайта һәм тиздән Киров өлкәсенә күченеп китә, шунда гомер буе бухгалтер булып эшли. Күптән түгел Түбән Кама делегациясе ул яшәгән җиргә барып, каберен күреп кайтты.

Смыловкадагы һәйкәлне ачу тантанасында муниципаль район башлыгы кинәшчесе Григорий Китанов әйтүенчә, ул Сухрау авыл җирлеге башлыгы Ришат Галимовка, Җиңүнең 70 еллыгы һәм Александр Заевның тууына 100 ел тулу уңаеннан, мемориаль такта куярга тәгъдим иткән булган. Әмма булдыклы җитәкче Галимов мемориаль такта гына түгел, зур һәйкәл куйдырту җаен тапкан.

 

Нравится
Поделиться:
Реклама
Комментарии (0)
Осталось символов: