Карендәш
Түбән Камада һәм Түбән Кама районында 5 майда Пасха бәйрәмен билгеләп үтәчәкләр
Тамашачылар өчен кызыклы программа әзерләнгән.
Түбән Камада 5 майда «Пасха — бәйрәмнәр бәйрәме» шәһәр чарасы узачак. Ул көндезге сәгать бердә халык иҗаты йортында башлана.
Шулай ук бәйрәмне Түбән Кама районының Балчыклы авылында да билгеләп үтәчәкләр. Аны «Керәшен» этнографик мәдәни-агарту җәмгыяте оештыра.
Анда кунакларны «Сүрәкә» халык фольклор ансамбле, шулай ук шәһәр һәм район керәшеннәре солистлары һәм ансамбльләре каршы алачак. Моннан тыш, барлык теләүчеләр өчен традицион пасха таганында атыну, халык уеннары һәм биюләр әзерләнә.
Чара авыл клубы территориясендә оештырыла, ул көндезге сәгать 11дә башлана.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев