Милли кыйммәтләребезне күрсәтеп...

«Уен Фест» фестивале балаларны милли мәдәнияткә җәлеп итү, аларның традицион халык уеннарын, гореф-гадәтләрен өйрәнү, үсеп килүче буынга тәрбия процессында уенның мөһимлеген искәртү һәм республиканың күпмилләтле халкының бердәмлеген ныгыту максатыннан үткәрелә.
Керәшен яшьләре исеменнән Радмила Вәлиуллина чыгыш ясаган. Фестивальдә төрле халык вәкилләре милли уеннар үрнәкләре күрсәткәннәр, шулай ук милли кием турында сөйләгәннәр. Радмила «Ак калпак» турында мәгълүмат биреп, катнашучыларга «Кара-каршы уен»ын өйрәткән. Кама яр буенда булгангамы, бу чара ямьле итеп узган.