Туган як

Заманым

шигырь

И заманым, килә сине

Яхшы итеп күрәсем!

Өметләрне аклар өчен,

Иманга китерәсем.

Үтә айлар, еллар – барысы

Бер-берсеннән шомлырак.

Хыялларым артка күчә,

Өметләр китә ерак.

Ялган ният алга бара,

Заманымны талыйлар.

Юллар тайгак, сикәлтәле,

Кая алып барырлар?

Әллә бу «заман» дигәнең –

Карурман карасымы?

Әллә без яшәгән дөнья

Cагышлар дәрьясымы?

Бу кара гаделсезлекне

Юсаң иде чәбәкләп.

Кышкы бәке суларында

Чайкый-чайкый, бәләкләп!

Анастасия Усачева

Фото: https://pixabay.com/ru/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: