Туган як

Туганнарга киңәш

шигырь

Кан-кардәш дуслыгын,
Туганнар шатлыгын,
Бир, Ходай, гомергә сакларга.
Әткәй-әнкәй йортын,
Изге нигез ташын
Тырышмагыз читкә ташларга.
Җан җылысы булсын,
Йөзләр көлеп торсын,
Туганнар җыелган чакларда.
Гомердән-гомергә
Яшикче гел бергә
Дус булыйк, сер бирмик ятларга.
Уфтанмыйк үткәнгә,
Шатланыйк гел бергә
Яшәгәнгә тату дөньяда.
Маңгайда сыр артсын,
Чәчләр дә агарсын,
Балкып яшик тату булганга.
Авылның урамын,
Табигать муллыгын,
Хәтер сандыгында саклыйк без.
Яшьлек юлыбызда
Кылган ялгышларны,
Кичереп, дусларча калыйк без.
Анастасия Усачева

Фото: https://pixabay.com/ru/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: