Туган як

Шигырьләр

Сагыну

Әй, Ходаем,
            нишлим икән?
Сагынуга чара юк.
Әти-әни 
             яннан киткәч,
Эзләнүдән файда юк.

Кайтам авыл өенә,
Әти-әни өйдә күк.
Коймак пешереп,
              самавыр куеп, 
Тәрәздән 
             карыйлар күк.

Юк, табалмыйм 
                мин аларны,
Тормыш 
           үзенекен итте:
Әти-әни безне 
                    калдырып 
Теге дөньяга китте. 

Керәм мин 
             капканы ачып,
Ишектә – 
              тимер йозак.
Әти-әни өйдә юк шул,
Алар бездән бик ерак.

Хәзер инде 
           безнең бурыч –
Күбрәк гыйбәдәт кылу.
Үлгәннәргә, 
                 хәер биреп,
Каберләрен чистарту.
 Татьяна ЧЕКАШОВА,
Олы Аты авылы.

Фатир алдым
Совет чорын 
           хурлый-хурлый,
Яшибез бит без, 
                   туганнар.
Бүген бармы икән
Яхшы тормыш 
                  корганнар?

Торак-фәлән 
               бирү бетте,
Йортсыз булмый 
                     яшәп тә.
Төннәр буе 
               уйлап ятам:
Кемнәр яши рәхәттә?

Ничек фатир 
               алып булсын
Айлык хезмәт акчаңа?
«ЖКХ» түләүләреннән
Ничә сум акчаң кала?

Уйлый торгач, 
          уйлап таптым:
– Керми булмас 
                      әҗәткә,
Төн йокламый 
              эшли торгач,
Чумдым мин дә 
                  «рәхәт»кә.

Тиеннәрне җыя-җыя,
Тиендем мин 
                «байлык»ка.
Фатир сатып
                  алдым әле,
Шөкер кылам 
                    саулыкка.

Шатлыкларым 
              эчкә сыймый,
Горурланам үзем дә:
«Перестройка» 
                 күп сынады,
Тырышлык шул – 
                        үземдә.
Анастасия УСАЧЕВА,
мәгариф ветераны.  

Нравится
Поделиться:
Реклама
Комментарии (0)
Осталось символов: