Түбәнкамалыларны Спас ярминкәсенә чакыралар

Чарада кулдан эшләнгән әйберләрне сату, кыңгырау чыңы фестивале һәм артистлар чыгышы була.

Спас ярминкәсенә машинада барырга теләүчеләр өчен түләүле тукталыш оештырылачак. Бәясе – тәүлегенә 300 сум. Парковкага керү – Тугаров урамы буенча, ә чыгу урыны Тойминская урамы буенча башкарылачак. Машина кую урыннарыннан ярминкәгә кадәр җәяүлеләр юлы буйлап барып җитәргә мөмкин.

Шулай ук, Кама буйлап көн саен йөри торган елга трамваенда да барып җитәргә була. Ул 14.15 сәгатьтә Түбән Камадан кузгалачак. 15.15  сәгатьтә – Алабугага барып җитә. Олылар өчен билет бәясе – 55 сум, балалар өчен – 27, 5 сум тәшкил итәчәк.

Моннан тыш, түбәнкамалылар Яр Чаллыдан автобуста китә ала. Билет бәясе – 100 сум. Ул 6.45тән 19.00гә кадәр йөри.