Түбән Камада фин-угыр мәдәнияте фестивале була

Бу хакта Түбән Кама муниципаль районы администрациясе матбугат хезмәте хәбәр итә.

Фойеда мордва, удмурт, мариларның мәдәнияте, көнкүреш әйберләре, фотографияләр, китаплар күргәзмәсе, милли ашлар презентациясе, биюләр һәм уеннар була.

Халык иҗаты йортының концертлар залында Яр Чаллыдан «Марий Сем» фольклор ансамбле, Менделеевскидан «Эрвел» мари җыры ансамбле, Түбән Камадан «Кизили» удмурт жыры, «Нардуган» һәм «Тулпар» җыр һәм бию ансамбльләре чыгыш ясаячак.

Башлана: 18.00 сәгатьтә. Керү ирекле.