«Түбән Кама термалары»на керү хакы билгеле

Сәламәтләндерү комплексына керү бәясе:

эш көннәрендә: 1 сәгате – 190 сум, көне буена (лимитсыз) – 850 сум;

ял көннәрендә керү бәясе: 1 сәгате –290 сум, көне буена (лимитсыз) – 1 250 сум;

5 яшькә кадәрге балаларга – 150 сум (лимитсыз).

Комплексны июль аенда ачачаклар дип вәгъдә итәләр, әмма төгәл датасы әлегә билгеле түгел.

Түбән Кама термасы Яшьлек урамында аттракционнар паркы янында бер ел элек төзелә  башлаган. Комплекста биш ачык бассейн, балалар өчен бассейннар, дистәдән артык сауна, кабартылган аквапарк һәм башка күңел ачу чаралары булачак.