Балалар бакчаларында һәм мәктәпләрдә туклану бәяләре артырмы?

«Эшлекле дүшәмбе» киңәшмәсендә Түбән Кама муниципаль районы Башкарма комитеты җитәкчесе Рамил Муллин хәбәр итүенчә, азык-төлек белән төп тәэмин итүче hәм уку йортлары арасында килешү төзелгән, шул сәбәпле, бәяләр ким дигәндә май ахырына кадәр элеккегечә калачак.

"Без мәктәпләрне һәм балалар бакчаларын азык-төлек белән төп тәэмин итүче белән май азагына кадәр бәяләр артмаячак дип килешү төзедек. Тик, кызганычка каршы, элекке бәяләрне саклап калу авыр булачак. Шуңа да карамастан, уку елы ахырына кадәр бәя хасил итүне саклап калырга тырышырбыз", - дип билгеләп үткән Түбән Кама муниципаль районы Башкарма комитеты җитәкчесе.