Түбәнкамалыларны Яңа елга багышланган бәйгедә катнашырга чакыралар

Иң актив түбәнкамалылар, шулай ук оешмалар, предприятиеләр, сәүдә объектлары төрле номинацияләрдә билгеләнәчәк. 

Гаризаны фотоматериал кушымтасы белән түбәндәге электрон почтага җибәрергә кирәк: ng2024art-nk@yandex. ru. Нәтиҗәләр гыйнвар аенда ясалачак. 

Бәйге түбәндәге номинацияләр буенча үткәрелә: 

• «Яңа ел балкышы» — бина фасадларын, агачларны, коймаларны комплекслы бизәү; 
• «Кышкы йорт» — йорт яны территориясен бизәү; 
• «Тылсым ясыйбыз» — учреждение һәм оешма биналарының тәрәзәләрен шарлар, яктылык гирляндалары белән бизәү;
• «Әйдәгез могҗизага ышаныйк» — дәүләт, муниципаль предприятиеләрнең һәм учреждениеләрнең фойесын бизәү;
• «Яңа ел — яңа шатлыклар» — сәүдә залларын бизәү; 
• «Бәйрәм безгә килә» — подъездны бәйрәмчә бизәү; 
• «Минем тылсымлы кышкы шәһәрем» — фотоконкурс (Яңа елның якты мизгелләрен һәм кыш-кы шәһәрнең матурлыгын чагылдырган оригиналь фотосурәтләр); 
• «Могҗиза көткәндә» — учреждениеләрдә, урамда яки йортларда Яңа ел чыршысының бизәлеше;
• «Әкиятләр дә әйләнбәйлән уйный» — балалар һәм ата-аналар бергәләп Яңа ел чыршысын бизи.

Бәйгедә җиңүчеләр һәр номинациядә дипломнар һәм бүләкләр белән бүләкләнә.

(Мәгълүмат Түбән Кама муниципаль районы рәсми сайтыннан алынды).