Түбән Камада физкультура педагоглары өчен «Спорт виражлары» конкурсы уза

Түбән Кама шәһәре һәм Түбән Кама районының шәһәр һәм авыл балалар бакчалары һәм мәктәпләре тәрбиячеләре, шулай ук физкультура укытучылары «Спорт виражлары» республика конкурсында катнаша ала.

Түбән Кама ЮХИДИ матбугат хезмәте хәбәр иткәнчә, жюри әгъзалары юлларда куркынычсызлык кагыйдәләрен балалар бакчалары өчен «Физик үсеш» белем бирү өлкәсенә яки «Физик культура» фәненә дөрес интеграцияләүне бәяләячәк.

Конкурс ике этапта үткәрелә. Муниципаль этап 28 апрельгә кадәр дәвам итәчәк, ә республика этабы 16 майдан 16 июньгә кадәр узачак.