Туган як

Гүзәл затлар машиналарда ярышачак

Елның-елында машина йөртүче хатын-кызлар арасында «Автоледи» конкурсы уздыру шәһәребездә күркәм гадәткә әверелде. Быел ул 28 июльдә булачак.

ЮХИДИ бүлеге һәм «Юл хәрәкәте иминлеге» дәүләт учреждениесенең район бүлекчәсе тарафыннан оештырылучы әлеге бәйгедә руль артына утырып «корыч айгыр»ларын иярләгән гүзәл затлар автомобильне фигуралы йөртү, юл йөрү кагыйдәләрен үтәү, беренче медицина ярдәме күрсәтү буенча көч сынашачак. Ярышларның «Минем автомобилем» дигән этабында конкурсантлар үзләренең машиналары турында сөйләп, техниканы ни дәрәҗәдә белүләрен дә күрсәтәчәкләр. 
«Автоледи-2018» конкурсында «В» категориясенә ия машина йөртүче хатын-кызлар катнаша. Яшь буенча чикләүләр юк. 
Конкурста катнашырга теләкләре булучылар гаризаларын 27 июльгә кадәр gibdd_nk@mail.ru электрон адресына яки ЮХИДИ бүлегенә – Студентлар урамының 25а йортындагы 309 нчы, 312 нче кабинетларга да тапшыра алалар. Телефоннар: 39-15-51, 39-16-50. 
 

Нравится
Поделиться:
Реклама
Комментарии (0)
Осталось символов: