Туган як

Тамак тәмугка кертә, диләр

Яңа елның да бер ае үтеп китте. Мул итеп яуган карлары кебек мул еллар булсын! Ашыга- ашыга эшкә барам. Көн матур, кешеләр әле йокыдан уянмаган, акрын гына кар ява, тавыш- тын юк. Ара-тирә ишегалларын себерүчеләр генә күренә.

Никадәр ашыксам да, үзем белән песиләргә ризык алган идем, иелеп салуым булды, йөгерешеп килеп тә җиттеләр. «Бу минем ел, монда мин дә бар әле», – дигәндәй бер тычкан да ияргән. Ул – миңа, мин аңа гаҗәпләнеп карап торабыз. Әллә бик ашыйсы килгән, әллә аның елы булуы белән горурлана.
Бик ашыкканлыктан, фоторәсемгә төшерергә искә килмәгән. Галәмәт күренеш булыр иде, югыйсә! Бу «безнең кебек дус яшәгез», дигәнеме, әллә «бары – бергә, югы – уртак» диюеме? Барысы да мин салган ризыкны бергәләп ашап калдылар. Этләр белән песиләрнең дуслыгын күптән беләбез инде, нигә дип әле песи белән тычкан дуслашмаска тиеш?!
Дус яшик, бергә булыйк, бердәм булыйк. Яңа еллар муллык алып килсен!
Кәүсәрия ШӘЙДУЛЛИНА.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: