Узган ел Түбән Камада яшәүче 60 хатын-кыз чит ил кешесенә кияүгә чыккан

Узган ел Түбән Кама районында 1 562 пар өйләнешкән. Түбән Камада яшәүче 60 хатын-кыз чит ил кешеләре белән никахлашты, дип хәбәр итте ЗАГС идарәсе башлыгы Гүзәл Сәгыйтова.

Шулай итеп, хатын-кызлар Таҗикстан (22 пар), Казахстан (10 пар), Төркия (7 пар), Әрмәнстан (6 пар), Әзербайҗан (6 пар), Үзбәкстан (6 пар), Кыргызстан (2 пар) һәм Белоруссия (1 пар) гражданнары белән гаилә корган.

Моннан тыш, 2023 елда Түбән Камада 52 пар тизләтелгән тәртиптә өйләнешкән. Мондый ашыгуның сәбәбе — ир-атларның МХО зонасына хезмәт итәргә китүләре.