Түбән Камада яшәүче Демидовлар алтын туйларын билгеләп үтте

Түбән Каманың никахлашу сараенда ЗАГС идарәсе белгечләре ирле-хатынлы Демидовларны гаилә тормышының алтын юбилее белән котладылар.

Сергей һәм Любовь 50 ел бергә яшиләр, хезмәт стажлары зур, ә янәшәдә — яраткан балалары һәм оныклары.

Бу матур гаиләгә озын гомер һәм нык сәламәтлек теләделәр, бүләкләр тапшырдылар. Традиция буенча юбилярларның исемнәре ЗАГС идарәсенең Почет китабына кертелде.

«Без юбилярларны бу матур дата белән чын күңелдән котлыйбыз! Тагын күп еллар бергә бәхетле яшәүләрен телибез! Йортыгыз матур, җылы булсын, анда муллык һәм иминлек хөкем сөрсен!» — диделәр ЗАГС белгечләре юбилярларны котлап.

Фото: ЗАГС идарәсенең матбугат хезмәте