Түбән Камада гаиләләр өчен региональ спартакиада узды

Түбән Каманың «Батыр» спорт мәктәбендә мәктәпкәчә белем бирү учреждениеләрендә тәрбияләнүчеләр гаиләләренең региональ спартакиадасы узды.

Чарага республиканың төрле шәһәрләреннән — Түбән Кама, Чаллы, Зәй, Алабуга, Менделеевск һәм Мамадыш командалары җыелды.

Оештыручылар билгеләп үткәнчә, команда әгъзаларына төрле эстафеталарда көч сынашып, команда рухы, җиңүгә омтылыш күрсәтеп, үзләренең иң яхшы сыйфатларын, осталыкларын күрсәтергә туры килде.