Туган як

Тузга түгел, кәгазьгә

2005 елда үз эшчәнлеген аудио-видео вәгазьләр яздыртудан башлап җибәргән "Рисалә" мабтугат нәшрият йорты директоры Булат СИРАҖИЕВ белән бүгенге әңгәмәбез әлеге үзәк эшчәнлеге, китаплар һәм бүгенге көн укучысы турында... - Күптән түгел районыбыз мөхтәсибе Йосыф хәзрәтнең "Дога дәресләре" дигән китабы дөнья күрде. Ул "Рисалә" нәшриятында басылган икән. Әлеге нәшрият турында сөйләсәгез...

2005 елда үз эшчәнлеген аудио-видео вәгазьләр яздыртудан башлап җибәргән "Рисалә" мабтугат нәшрият йорты директоры Булат СИРАҖИЕВ белән бүгенге әңгәмәбез әлеге үзәк эшчәнлеге, китаплар һәм бүгенге көн укучысы турында...

- Күптән түгел районыбыз мөхтәсибе Йосыф хәзрәтнең "Дога дәресләре" дигән китабы дөнья күрде. Ул "Рисалә" нәшриятында басылган икән. Әлеге нәшрият турында сөйләсәгез иде.

- Җомга хөтбәләрен, дәресләрне һ.б. видео һәм аудиодискларга яздыртып тарату ниятеннән башланып киткән эш иде бу. Башта бушлай биреп карасак та, чыгымнар күп булганлыктан, бераздан дискларны арзан гына бәядән сата башладык. Бүгенге көндә 90нан артык төрдә аудио-видео продукциябез бар. Дисклар сыйфатлы, лицензияле итеп, Мәскәүдә яздыртабыз. Халык татарча хөтбә-вәгазьләрне бик яратып ала, аларны өйдә дә, машинада йөргәндә дә тыңлап була. Хәзер аудиокитаплар чыгара башладык, ләкин алары әлегә, күбесенчә, рус телендә. Төрле галимнәр яздырткан Коръән язмалары да бар, аларны тыңлау, укудагы ялгышларыңны төзәтергә ярдәм итә. Видеоязмалар исә, тагын да тәэсирлерәк. Мәсәлән, "Намаз уку тәртибе" дискы ярдәмендә үзлегеңнән намаз укырга өйрәнеп була. Балалар өчен дә татар һәм рус телләрендә мультфильмнар һәм, шулай ук, басма китаплар да бар.

- Балалар өчен китапларга тукталыйк әле....

- Мультфильмнарга караганда, балалар өчен китаплар күбрәк. Аның беренчесен - ул "Исламның биш баганасы" дип атала - 2011 елда ике телдә төсле рәсемнәр белән бизәп, каты кәгазьдә һәм ике телдә бастырып чыгардык. Китап балаларга да, әти-әниләренә дә бик ошады. Шуннан соң, нәниләр өчен китапларны күбрәк чыгарырга кирәк дигән фикергә килдек. Бүгенге көндә балалар өчен әзерләп бастырган китапларыбыз - унөч, тагын бишесе басылырга тора.

Үзебезнең дә балалар үсә, ә аларга дини, милли тәрбия бирүдә ярдәмлек булырдай китаплар кибетләрдә бик аз. Ислам, иман, әдәп-әхлак турында балалар өчен язылган китаплар, гомумән, юк дип әйтерлек. Шунлыктан, без мөселман балалары өчен файдалы китаплар чыгарырга кирәк дигән фикергә килдек.

- Каен тузына язган заманалар тарихта гына калган. Ә югары сыйфатлы кәгазьгә басылган, типография буявы да кибеп өлгермәгән татарча китапларны яратып укыйлармы?

- Әлбәттә, без татар телендә дә китаплар бастырырга тырышабыз. Китапларны гына түгел, дини продукциянең башкаларын да ике телдә сөйләшүче мөселманнар өчен чыгарабыз. Әмма татар телендәге китапларны сатуы авыррак, чөнки Россиядә хәзерге вакытта рус телле мөселманнар күбрәк. Чит төбәкләрдә генәме соң, хәтта үзебездәге татарлар да татарча китапларны аңламыйлар. Шулай булса да, барыбер, рус телендә чыккан китапларның кайберләрен татарчага тәрҗемә итеп бастырырга тырышабыз.

- Ә олылыр өчен нәрсәләр тәкъдим итә аласыз?

- Алар өчен, нигездә, гаилә, әдәп һәм күркәм холык темасына кагылышы китапларны сайлыйбыз. Шулай ук, пәйгамбәрләр, тарихи шәхесләр турындагы китапларны да яратып укыйлар. Соңгы арада җирле авторларыбызның китапларын да халыкка ирештерергә телибез. Беренче җимешебез - әңгәмә башында сез телгә алган "Дога дәресләре" китабы. Озакламый "Намаз тәмен ничек татырга" дигән китап та чыгар, Аллаһы кушса.

- Табышлы эшме соң?

- Без әле эшнең башында гына. Ә башлангыч чорда, һәркемгә билгеле булганча, керем бик булмый, киресенчә, чыгымнар гына... Тәрҗемә, рәсем ясау, компьютер ярдәмендә китап рәвешенә китерү, тышлык дизайны, бастыру һ.б. - чыгымнарны саный башласың, шактыйга барып баса. Шуңа күрә без, хәлле кешеләр арасыннан спонсорлык ярдәме итә алырдай барча кешене (җитәкчеләр, эшмәкәрләр һ.б.) "Балалар өчен дини китап" дигән шушы проектка ярдәм итәргә чакырабыз. Электрон китаплар белән чагыштырганда, кәгазьгә төсле рәсемнәр белән бизәп бастырылган китапны үз куллары белән тотып, битләрен ача-ача укуы нәни малайлар һәм кызлар өчен үзе олы бер вакыйга, зур шатлык бит...

Әңгәмәне Фатих ХӘБИБ язып алды.

Нравится
Поделиться:
Реклама
Комментарии (0)
  • 25 май 2018 - 14:15
    «Китаплар сер сөйли тирәмдә…» Г.Тукай исемендәге үзәк китапханә нигезендә Кол Гали исемендәге милли китапханә 12 ел элек ачылды. Әлеге мәдәни учакның эшчәнлек юнәлешләре нидән гыйбарәт, чыннан да, киштәләрендә төрле халык әсәрләре бармы, бүген китапханәче нинди сыйфатларга ия булырга тиеш дигән һ.б. сорауларга китапханә мөдире Гүзәлия ГЫЙБАДУЛЛИНА белән әңгәмәдә җавап алдык.
    11
    0
    1
  • 25 май 2018 - 14:07
    КОТЛАУ Кадерле чыгарылыш сыйныфы укучылары!
    8
    0
    0
  • 25 май 2018 - 14:00
    Бердәнбер киленем Яратмаган кешене үз итүе авыр. Хаталарың өчен гафу үтенү хурлык булып тоела. Әмма кайчак үз гаебеңне тану, сугыш балтасын күмеп кую гаиләдә иминлек, бәхет урнашуына китерә. Танышым Фәимә апаның тормышы шундый булып чыкты.
    14
    0
    1
  • 25 май 2018 - 13:59
    «Җәем үтеп, көзгә кереп барам...» «Кама таңнары» әдәби берләшмәсендә тагын бер юбиляр – каләмдәшебез Рәсимә Нәбиуллинага 60 яшь тула. Ул 1958 елның ямьле май ахырында Түбән Кама районының Тоба авылында гади крестьян гаиләсендә туа. Кечкенәдән шигърияткә гашыйк кыз, үсә төшкәч, үзе дә шигырьләр яза. Ул 2008 елдан «Кама таңнары» әдәби берләшмәсенә йөри, шул ук елны «Бәхет җебе» исемле беренче җыентыгын бастырып чыгара. Актив һәм тынгысыз җанлы Рәсимәбез шәһәр һәм район күләмендә уздырылган чараларда актив катнаша. Шагыйрәнең туган якның гүзәл табигате, аның матурлыгы турындагы шигырьләре һәм мәхәббәт лирикасы күңелгә хуш килә, алар матбугат битләрендә әледән-әле басылып тора. Әдәби берләшмә эшен оештыруда тырышып эшләгәне өчен ул муниципаль район башлыгының Мактау грамотасы белән бүләкләнде. Ралия КӘРИМОВА.
    17
    0
    2
  • 4 май 2018 - 12:59
    Нижнекамск читает Габдуллу Тукая--2018. Выпуск 1
  • 27 апрель 2018 - 12:41
    Футбол буенча дөнья чемпионаты узганда Казанда 12 кинотамаша булачак
  • Безне яратып укыйлар
Реклама
  • 25 май 2018 - 11:48
    Химия тармагында эшләүчеләрне хөрмәтләделәр Түбән Камада Химиклар көнен зурлап билгеләп үттеләр. Бәйрәм «Нефтехим-Арена» да оештырылды һәм анда якынча алты мең кеше җыелды.
    19
    0
    1
  • 25 май 2018 - 09:28
    Кешегә кое казысаң... Орынып торган күршем Чапайны әйтәм әле. Аның бит чын исеме алай түгел. Әти – әнисе Хәмбәл дип исем кушкан. Метрикәсендә дә шулай дип язылган: Хәмбәл Локман улы Шәфиев... «Чапай» дигәне кушамат кына аның. Үзе гаепле. Менә хәзер гомерлеккә ябышып калды үзенә әлеге кушамат. Ничек килеп чыкты дисезме?
    19
    0
    1
  • 25 май 2018 - 13:59
    «Җәем үтеп, көзгә кереп барам...» «Кама таңнары» әдәби берләшмәсендә тагын бер юбиляр – каләмдәшебез Рәсимә Нәбиуллинага 60 яшь тула. Ул 1958 елның ямьле май ахырында Түбән Кама районының Тоба авылында гади крестьян гаиләсендә туа. Кечкенәдән шигърияткә гашыйк кыз, үсә төшкәч, үзе дә шигырьләр яза. Ул 2008 елдан «Кама таңнары» әдәби берләшмәсенә йөри, шул ук елны «Бәхет җебе» исемле беренче җыентыгын бастырып чыгара. Актив һәм тынгысыз җанлы Рәсимәбез шәһәр һәм район күләмендә уздырылган чараларда актив катнаша. Шагыйрәнең туган якның гүзәл табигате, аның матурлыгы турындагы шигырьләре һәм мәхәббәт лирикасы күңелгә хуш килә, алар матбугат битләрендә әледән-әле басылып тора. Әдәби берләшмә эшен оештыруда тырышып эшләгәне өчен ул муниципаль район башлыгының Мактау грамотасы белән бүләкләнде. Ралия КӘРИМОВА.
    17
    0
    2
  • 25 май 2018 - 13:15
    Тирән эчтәлекле чара булды «Кама таңнары» әдәби берләшмәсенең 50 еллыгы кысаларында, җирле язучыларны таныту һәм иҗатлары аша укучыларның туган телебездә аралашуларын камилләштерү йөзеннән булдырылган «Сүздән энҗеләр тезеп...» проекты авторы Нурзия Мирхазова 9 нчы кичә-очрашу үткәрде. «Туган ил хакына, туган җир хакына...» дип аталган бу чара 11 нче урта мәктәпнең актлар залында узды. Очрашуда шулай ук 9 нчы мәктәп, 24 нче лицей һәм 1 нче гимназия укучылары, аксакаллар шурасының җаваплы сәркатибе Мансур Ганиев, «Ак калфак» хатын-кызлар иҗтимагый оешмасы җитәкчесе Зөлфирә Бигашева һәм җаваплы әгъзасы Гөлназ Сафиуллина катнаштылар.
    16
    0
    0
  • 25 май 2018 - 14:00
    Бердәнбер киленем Яратмаган кешене үз итүе авыр. Хаталарың өчен гафу үтенү хурлык булып тоела. Әмма кайчак үз гаебеңне тану, сугыш балтасын күмеп кую гаиләдә иминлек, бәхет урнашуына китерә. Танышым Фәимә апаның тормышы шундый булып чыкты.
    14
    0
    1
  • 25 май 2018 - 11:13
    Безнең өчен серле дөнья В.Вернадский үзенең ноосфера турындагы хезмәтләрендә гаять дәрәҗәдә җиңел микрокисәкчекләр (электрон, позитрон, мюон, таон, нейтрино) турында язган. Алар лептоннар дигән берләштерелгән исем белән атала. Әлеге кисәкчекләр кешенең уйларын, хисләрен чагылдыра, матди дөньядагы вакыйгалар һәм җисемнәр турында мәгълүматны тапшыручылар (йөртүче) булып тора.
    11
    0
    1
  • 25 май 2018 - 13:31
    Рамазан дәресләренең бер көненә вәгазь Барча галәмнәрне юктан бар кылып, үзенең чиксез нигъмәтләре белән ризыкландыручы, ике дөньяның хуҗасы булган, рәхимле һәм рәхмәтле, ишетүче, күрүче, белүче, кодрәтле, бөек, юмарт Субхәнә вә Тәгаләгә барча мактауларыбыз булса иде, өйрәнгән гыйлем-гыйбадәтләребез бары тик Аллаһының ризалыгы өчен генә булып, әҗер саваплар насыйп булса иде.
    11
    0
    1
  • 25 май 2018 - 14:15
    «Китаплар сер сөйли тирәмдә…» Г.Тукай исемендәге үзәк китапханә нигезендә Кол Гали исемендәге милли китапханә 12 ел элек ачылды. Әлеге мәдәни учакның эшчәнлек юнәлешләре нидән гыйбарәт, чыннан да, киштәләрендә төрле халык әсәрләре бармы, бүген китапханәче нинди сыйфатларга ия булырга тиеш дигән һ.б. сорауларга китапханә мөдире Гүзәлия ГЫЙБАДУЛЛИНА белән әңгәмәдә җавап алдык.
    11
    0
    1
Ночной режим