Шәhәрдә сәләтле балалар фестивале узачак

Чарада республика һәм Бөтенроссия олимпиадаларында, муниципаль һәм региональ этапларда җиңүчеләр, призерлар, укытучылар, шулай ук, спортта, сәнгатьтә, җәмәгать эшләрендә уңышларга ирешкән укучылар катнашачак. Барлыгы – 275 бала һәм 162 укытучы.

Быел төрле дәрәҗәдәге олимпиадаларда 4-11 сыйныфтан 19 684 укучы катнашкан. Бу – районның барлык мәктәп балаларының 60% ы.

2021-2022 уку елы нәтиҗәләре буенча муниципаль этапта җиңгән 4 310 укучы арасыннан 312се региональ этапка чакырылган һәм районга 179 призлы урын алып кайткан, шуларның 24се Бөтенроссия олимпиадасында катнашкан – сигезе призлы урын алган.

Сәләтле балалар фестивале нефть химиячеләр паркында 16.00 сәгатьтә була.

Фестивальдән соң 17.30 сәгатьтә паркта балалар коллективлары чыгыш ясаячак.

Кичке 18.00 сәгатьтә Химиклар көне уңаеннан концерт-күңел ачу программасы уза. Чарада "Түбән Кама нефть химиясе" ГАҖнең иҗат коллективлары һәм чакырылган артистлар катнашачак.