Түбәнкамалыларны шәхси мөрәҗәгатьләре буенча Дәүләт Думасы депутаты Олег Морозов кабул итте

Очрашуга килгән мобилизацияләнгән түбәнкамалыларның хатыннары түләүләрне, жетоннарны, һәм ирләренә сугыш хәрәкәтләрендә катнашучы ветеран таныклыгын алуда ярдәм итүләрен сорадылар. Күп кенә гаиләләр, документларда чакырылыш һәм мобилизация сроклары туры килмәү сәбәпле, түләүләрне ала алмаган. 

Инвалид улын тәрбияләүче ана ярдәмгә мохтаҗларны карау буенча пособие күләме аз булуга зарланды. Бу пособие айга 1200 сум һәм 2008 елдан бер мәртәбә дә индексацияләнмәгән. Олег Морозов әлеге мәсьәләне өйрәнергә вәгъдә итте. 

Элек Кыргызыстанда яшәгән яшүсмернең паспорт алуда кыенлыклары туган. Аларның гаиләсе Кыргызстанда яшәгән, баланың шәхесен раслаучы документ (бу очракта паспорт) ата-аналарның берсенең гражданлыгы буенча гына бирелә, хәзер гражданлыкның анасында булуы яки булмавы турында мәгълүмат кирәк. Моны Мәскәүдәге Кыргызстан Республикасы илчелегенә мөрәҗәгать итеп белергә була, ләкин гаиләнең моңа мөмкинлекләре юк.

«Сорауны ведомство структуралары белән берлектә җентекләп өйрәнәчәкмен, барлык мөмкин булган хәл итү юлларын карап чыгарбыз», — диде Олег Морозов. 

Депутатка үтенечләр белән генә түгел, башкарылган наказлары өчен рәхмәт белдерергә дә килделәр. Райондашлар Ширәмәт авыл китапханәсенә күрсәтелгән ярдәме өчен сенаторга рәхмәт белдерде, ул модель муниципаль китапханәләр булдыру конкурсында катнаша алды.

«Мәдәният» федераль проекты кысаларында авыл китапханәсе 5 млн сум күләмендә грант алачак, бу аны тагын да кирәкле мәгълүмати-мәдәни һәм коммуникацион үзәккә әверелдерергә мөмкинлек бирәчәк.