Түбәнкамалыларга Россия Федерациясе гражданнарының беренче паспортлары тапшырылды

Түбән Кама районы ЗАГС идарәсендә Россия Федерациясенең яшь гражданнарына паспортлар тапшыру тантанасы узды.

Идарәнең матбугат хезмәтендә билгеләп үтелгәнчә, чара Россия һәм Татарстан Республикасы дәүләт гимннары белән ачылды.

Чара кысаларында балалар өчен илнең төп законын һәм символларын белү буенча викторина әзерләнде. Егет-кызлар сынауны уңышлы үтте.

Шуннан соң, залда утыручыларның алкышлары астында, егетләр һәм кызлар үзләренең беренче юридик документларын алды һәм «Россиянең яшь гражданы анты» н биде.