Түбән Камага керү юлында яңа гыйбадәтханә һәм мәчетне күпер белән тоташтыру планлаштырыла

Түбән Камада Вахитов проспектында ике гыйбадәтханә арасында җәяүлеләр күпере төзү планлаштырыла.

Бу турыда мэриянең рәсми пабликындагы туры эфир барышында район башкарма комитеты җитәкчесе Роман Булатов сөйләде.

«Бүгенге көндә эштә булган һәм җәмәгатьчелеккә тәкъдим ителгән концепция бу ике мәйданчыкны тоташтыру өчен җир өсте күперен күздә тота, һәм әлеге алымны тормышка ашырганда бу шәһәргә керү өчен чын капка булыр дип өметләнәбез», — диде Булатов.

Бу күпер җәяүлеләр өчен җир өсте күчү функциясен дә башкарачак, дип өстәде ул.