Түбән Камада техноген һәлакәтләр корбаннарын искә алачаклар

Җомга көнне, 26 нчы апрельдә, Чернобыль АЭС фаҗигасе вакыйгалар истәлегенә традицион митинг узачак., дип хәбәр итә Түбән Кама районының матбугат хезмәте. 

Теләге булган һәркемне Спорт урамындагы скверга техноген һәлакәт корбаннары һәйкәле янына чакыралар. Чара 13:00 дә башлана.

1986 елның 26 апрелендә иң куркыныч техноген һәлакәтләрнең берсе — Чернобыль атом электр станциясендә авария була. Фаҗига нәтиҗәләрен бетерүдә 300 түбәнкамалы катнаша, аларның 140 тан артыгы инде исән түгел.

Фото: Түбән Кама районының матбугат хезмәте