Түбән Камада шәһәрнең 60 еллыгына яңа гимн уйлап чыгаруга конкурс игълан ителде

Түбән Кама районы башкарма комитеты мәдәният идарәсе белән берлектә авторлар һәм композиторлар арасында шәһәрнең 60 еллыгына яңа гимн уйлап чыгаруга иҗади конкурс игълан итте.

Конкурста катнашучыларга үзенчәлекле музыкаль-шигъри композиция төзергә тәкъдим ителә, ул сәнәгать шәһәренең бай тарихын һәм уникаль рухын чагылдырырга тиеш. Конкурста җиңүче 50 мең сум күләмендә акчалата бүләк һәм диплом алачак.

Гаризалар 2025 елның 30 октябренә кадәр кабул ителәчәк. Эшләрне ng-art-nk@yandex.ru электрон почтасы буенча җибәрергә мөмкин. Хатның темасын «Шәһәрнең иң яхшы гимнына конкурс» дип күрсәтү мәҗбүри. Шулай ук эшне Түбән Кама шәһәре, Ахтубинская урамы, 6 йорт, 320 кабинет адресы буенча китерергә була.

Гаризаларны карау һәм финалга чыгучыларны сайлап алу 6 ноябрьгә планлаштырылган. Конкурс шартлары турында өстәмә мәгълүматны +7 (917) 868-21-65 телефоны аша алырга мөмкин.