Түбән Камада пилотсыз системалар полигоны барлыкка киләчәк

Якын киләчәктә шәһәрнең ике алдынгы уку йорты үсеш темпларын арттырырга планлаштыра.

НХТИ институтының «Б» уку корпусы күз алдында үзгәрә. Белгечләр анда берничә ай элек ремонт ясый башлаган һәм бу вакыт эчендә сизелерлек алга китеш бар. Әлеге бинаны реконструкцияләү — уку йорты үсешендә көтелгән адым. Мондый эштә кыенлыкларсыз берничек тә булмый, әлбәттә. кичәге очрашуда аларның кайберләре турында вуз вәкилләре Радмир Беляевка сөйләделәр.

Институт үсеше реконструкция белән генә тукталмаячак. Планда — тулай торак төзү. Ул институтның төп бинасы янында барлыкка киләчәк. Бу, һичшиксез, үсешкә тагын бер этәргеч бирә, ди Радмир Беляев.

Тулай торак төзелешен 2026 елда башларга планлаштыралар. Бүген «В» уку корпусын ремонтлау турында да сөйләштеләр. Аны «Б» корпусында эшләр тәмамланганнан соң ук башларга ниятлиләр.

Нефть химиясе һәм нефть эшкәртү көллиятендә дә күп үзгәрешләр күзәтелә. Анда инде сентябрьдә пилотсыз системалар полигонын эшләтеп җибәрергә планлаштыралар.

«Пилотсыз системаларның гамәли күнекмәләрен эшкәртү. Максатчан аудитория — СИБУР хезмәткәрләре. Һәм гомумән бөтен «промка» монда булырга мөмкин, чөнки бу актуаль. Коллдеж студентлары — СИБУРның булачак хезмәткәрләре. Алар монда укып, икенче һөнәр алачак. Бүген ярышлар уздырырлык полигон юк. Биредә республика ярышларын үткәрергә була. Хәрби хезмәткә чакырылучыга моның шулай ук кирәге бар — армиягә китәр алдыннан, һөнәр алып, алар конкрет гаскәрләргә эләгәләр», — дип сөйләде КНН директоры Айдар Фаретдинов.

Ангар, җиһазлар, педагоглар — бу мәсьәләләрнең күбесе инде хәл ителгән, кайберләре хәл итү стадиясендә. Радмир Беляев идеяне хуплады. Шәһәр җитәкчелеге үз ягыннан шулай ук Түбән Кама өчен уникаль булган әлеге проектны эшләтеп җибәрүдә ярдәм итәргә вәгъдә итте.