Түбән Камада МХО урынында һәлак булганнар истәлегенә куелачак мемориал өчен урын сайланды

Махсус хәрби операция барышында һәлак булган түбәнкамалылар истәлегенә багышланган мемориалны 2025 елда төзү планлаштырыла, проект расланган инде. Бу хакта матбугат конференциясендә шәһәр мэры Рамил Муллин сөйләде.

Комплекс сугышчы-интернационалистлар һәйкәле янында урнаштырылачак.

«2025 елда без МХО зонасында һәлак булган егетләр истәлегенә комплекс төзергә планлаштырабыз. Ата-аналар теләге буенча, аны Төзүчеләр проспектында урнашкан сугышчы-интернационалистларга багышланган мемориаль комплекс янында урнаштырырга телибез. Без инде макетны расладык һәм бу юнәлештә эшлибез» , — дип хәбәр итте шәһәр башлыгы.