Түбән Кама хакимияте «Гаилә» паркы һәм Чистай урамы территориясен тәртипкә китерде

27 апрельдә Түбән Камада шәһәркүләм шимбә өмәсе үткәрелде. Җыештыруга шәһәр җитәкчеләре дә чыкты.

Администрация хезмәткәрләре «Гаилә» паркы территориясен, Чистай һәм Пролетар урамнарын тәртипкә китерделәр.

Өмәдә шулай ук башка оешмалар һәм предприятиеләр дә катнашты. НТР медиахолдингы хезмәткәрләре дә читтә калмады һәм территорияне җыештыруга чыкты.

Түбән Кама мэры Рамил Муллин түбәнкамалыларга Бөтенроссия шимбә өмәсендә актив катнашулары өчен рәхмәт белдерде. Санитар икеайлык май ахырына кадәр дәвам итәчәк.