Түбән Кама үзәк район хастаханәсе ике яңа ашыгыч ярдәм машинасы алды

Түбән Кама үзәк район хастаханәсе ике яңа ашыгыч ярдәм машинасы алды.

Хастаханә вәкилләренә сертификатларны ТР Рәисе Рөстәм Миңнеханов һәм төбәк сәламәтлек саклау министрлыгы башлыгы Марсель Миңнуллин катнашында министрлыкның йомгаклау коллегиясе алдыннан үткән тантанада тапшырдылар.

Үзәк район хастаханәсе автопаркын Sollers Atlant һәм ГАЗель Next машиналары тулыландырды.

Ашыгыч ярдәм хезмәте карамагында барлыгы 26 автомобиль бар.