Түбән Кама районы авылларында Сабантуй үткәрү графигы басылып чыкты

Түбән Кама районында авыл сабантуйлары киләсе җомгада башланачак. График белән Түбән Кама муниципаль районы башкарма комитеты җитәкчесе урынбасары Альфред Нигъмәтҗанов таныштырды.

9 июньдә сабан бәйрәме Кызыл Яр авылында узачак. Ул 16 сәгатьтә башлана.

10 июньдә Сабантуй Кама Аланы поселогында (14:00 сәгатьтә башлана), Олы Афанас (10:00) һәм Каенлы (11:00) авылларында узачак.

11 июньдә бәйрәмнәрне Тоба (15:00), Кызыл Чапчак (12:00), Иске Чишмә (10:00), Шәңгәлче (11:00), Ширәмәт (11:00), Түбән Уратма (11:00) авылларында оештыралар.

17 июньдә сабан бәйрәмен Трудовой бистәсендә 14 сәгатьтән билгеләп үтәчәкләр.

Моннан тыш, районның сигез торак пунктында авыл бәйрәмнәре узачак.